അവനില്‍ മതിപ്പുളവാക്കാന്‍, സംസാരത്തിലെ ഒരിടവേളയില്‍ ഞാന്‍ പറഞ്ഞു: "മതങ്ങള്‍ പറയുന്ന ദൈവത്തില്‍ വിശ്വസിക്കാന്‍ ഇക്കാലത്ത് ബുദ്ധിയുള്ള ആരെയും കിട്ടില്ല.'' അവന്‍ അല്‍പമൊരു ദുഃഖത്തോടെ എന്നെ നോക്കി. എന്നിട്ട് പറഞ്ഞു: "മറിച്ചാണ് കാര്യം. ഇന്ന് ബുദ്ധിയുള്ളവര്‍ മാത്രമാണ് ദൈവത്തില്‍ വിശ്വസിക്കുന്നത്.'' ജാള്യം കൊണ്ട്, മേശക്കടിയിലൂടെ രക്ഷപ്പെട്ടാലോ എന്നാലോചിച്ചു പോയി ഞാന്‍.

ചാള്‍സ് ലീ ഗായ് ഈറ്റണ്‍

ചര്‍ച്ച
തുഹ്ഫതുല്‍ മുജാഹിദീന്‍
ശ്രദ്ധേയമായ സമകാലിക വായന

സെക്യുലറിസത്തിന് കനപ്പെട്ട മാതൃകയാണ് സാമൂതിരി ഭരണകാലം പകര്‍ന്നു നല്‍കുന്നത്. ഇന്ത്യന്‍ സെക്യുലറിസം പാശ്ചാത്യരില്‍നിന്നും കടം കൊണ്ടതല്ല. നിഷേധാത്മക സ്വഭാവത്തിലുള്ള മതമുക്ത മതേതരത്വമാണ് അവിടെ നിലനിന്നതെങ്കില്‍ മതസൌഹാര്‍ദ മതേതരത്വമാണ് ഇന്ത്യയുടേത്..ജാതിവ്യവസ്ഥയും ബ്രാഹ്മണ ക്ഷത്രിയ മേധാവിത്വവും മൂര്‍ത്തമായി നിലനിന്നപ്പോള്‍ തന്നെ ഇതിന് വിരുദ്ധമായ ഇസ്ലാമിക ദര്‍ശനത്തെ അവര്‍ എതിര്‍ത്തില്ലെന്ന് മാത്രമല്ല മനസ് തുറന്ന് സ്വാഗതം ചെയ്യുകയും ചെയ്തു.
തയാറാക്കിയത്: അബ്ദുല്‍ഹകീം